戴祖儀睇中泰仔自誇索爆被叫借歪

藝人張振朗、戴祖儀（Joey）與孔德賢（Danny）前晚為無綫遊戲節目《開心無敵獎門人》進行錄影，在「估嘢食」環節中，Danny食完鹹蛋再食蝦醬，鹹到噴出來。

Joey與Danny首度參加《獎門人》，Joey表示做足準備，不怕玩到濕身：「我着咗深色衫，濕極都冇嘢睇，我哋個目標係唔好輸得太難睇。」她透露剛由泰國旅行返港，趁機講有味諧音：「叫人執吓張枱嘅泰文係Gap Gap Hi Mo。」問到在當地可有艷遇？她笑說：「我都想！我着咗套泰國衫，覺得自己好索，但冇人搵我傾偈，只係叫我借一借。」她大讚泰國男生高大靚仔，揚言要到當地發展，又指對泰語有興趣。至於Danny剛拍完劇集《本尊就位》，瘦了10kg的他表示要實行增肥大計。

張振朗衝事業未諗婚事

至於張振朗被問起女友楊偲泳早前到他家中為其大嫂慶生，盛傳好事近，他笑說：「未，放心，大家向來都有一齊食飯。（幾時計劃結婚？）暫時都未有計劃，工作為上，事業未有成，家人冇催婚，佢哋都想我喺事業上衝刺吓先，我仲後生。」