陳豪全方位捕捉老婆靚樣

藝人陳豪與陳茵媺結婚9年依然恩愛，近日孖住開工拍攝無綫新劇《羅密歐與祝英台》，連放假都過2人世界，日見夜見，形影不離。陳茵媺在社交網分享兩公婆拍拖歎下午茶的片段放閃，有粉絲笑言：「唔係有情飲水飽咩？」影片由陳豪揸機拍攝，大玩老公視角，360度拍下老婆的靚樣，在高清近鏡加上幾乎素顏的情況下，陳茵媺仍保持零瑕疵美肌，保養得非常好！