李思欣開車 嫌老公畀壓力

藝人范振鋒與李思欣不時夫妻檔拍廣告，日前2人為汽車貼膜做代言，拍攝網上、平面及電視廣告。兩公婆向來有駕駛習慣，最高峰時共同擁有3架車，思欣自言並非一個醒目司機：「最緊要架車唔好太大架，同埋係自動波就得，我好多時會揩花架車。其實我覺得自己揸車係安全嘅，但老公就覺得我好危險，佢一坐喺隔籬，我心理壓力就好大。佢成日叫我唔好跟車咁貼，喺佢心目中，隔兩個車位先係安全。」