《港姐再競選》爭冠 何沛珈賣甩拍檔 約「敵軍」開餐

問到作為競爭對手，會否減少見面？Roxanne表示正相約芷晴一齊食大閘蟹，同為《東張西望》主持的Rachel即時詐型：「點解唔約我？」芷晴見她們拌嘴，不禁笑道：「你哋兩個爭啦！我漁人得利！（你畀兩個『東張女神』夾擊？）我未驚過！」

對於今次參賽，Roxanne直言獲益良多：「見到個節目有咁大回響，已經係賺咗。」她自言曾想過放棄：「我表演傣族舞，有啲要轉圈嘅舞步，每次練完都暈到想嘔，返到屋企會嘔水，當時心諗點解要攞苦嚟辛？」而Rachel表示近日收到很多網友好評，一度以為是打手所為：「我有問啲朋友係咪你哋打上去，佢哋話唔係，聽到真係好開心。」又笑言發現自己很喜歡選美，大班人一起努力的感覺很熱血。