Edan賀小如豬生日勁肉緊

組合MIRROR成員Edan的妹妹小如豬一轉眼就18歲大個女，集萬千寵愛在一身的她，每年都得到Edan出Post叫大家向妹妹送祝福，今年雖然阿哥遇上不如意事，但錫阿妹錫到燶的他一樣要慶祝，又晒出例牌攬實小如豬的合照，加埋面貼面嘟嘴相，真係睇見都有愛，又Sweet爆留言：「Happy birthday my love#眨吓眼18歲#愈嚟愈靚#即係愈嚟愈似我#繼續開開心心健健康康」兩兄妹本身已經被指餅印一樣，如今小如豬又大一歲，染了髮的她與阿哥更加似樣，難怪Edan都祝阿妹愈嚟愈靚！