預告旅行結婚黃智雯強吻馬德鐘張曦雯圖搶新郎

馬德鐘昨日艷福無邊，分別跟黃智雯及張曦雯拍攝結婚戲，咀完一個又一個。而不時被催婚的兩女，現實中並不趕嫁，更異口同聲笑言要男友等吓先！

藝人馬德鐘（Joe）、黃智雯及張曦雯（Kelly）昨日在尖沙咀文化中心為無綫新劇《再見．枕邊人》拍攝結婚戲份，劇中智雯是Joe的太太，但之後失憶，Kelly則飾演Joe的女友，昨日場口講述她眼見智雯與Joe結婚而不快，更幻想自己是新娘。期間，她們各自與男方上演咀嘴場面，Joe可謂艷福無邊！

周志康爆「家暴」

Kelly受訪時被問到現實中與男友拍拖多年，何時結婚？她即笑說：「等吓啦！（等男友求婚？）叫佢等吓我先！不過結婚都唔會搞太多嘢，可能會旅行結婚。」Kelly此劇首次演反派，她打趣說：「我唔使特別做啲乜，因為我個樣唔笑已經好惡。」而智雯以簡約白色服飾上陣，說到裝束很密實時，她說：「因為角色失憶前係事業型女仔，所以唔使着啲咁傳統嘅婚紗，我都鍾意簡簡單單。（幾時結婚？）唔急，總有一天等到我嘅！」講到劇中與羅天宇另有一段姊弟戀，她說：「我同羅天宇好多浪漫戲，開心、有趣嘅，同阿Joe就有場強吻戲，係我強吻佢。」

同場的周志康飾演有暴力傾向的「恐怖情人」，婚後向「太太」尹詩沛家暴。說到哥哥周志文的緋聞女友劉佩玥急性腸胃炎入院，志康指對方腸胃向來不太好，但不知哥哥有否陪她入院。