疫市「瀛」戰飲食業 蕊蕊妙計吸客 搵靚仔打躉

林耀聲坦言喜歡吃日本菜，亦愛與好友淺嘗杯中物，自爆醉酒瘀事嚇親屋企人：「有次同岑珈其唱K，佢係我中學師兄，我醉咗佢已經送到我屋企樓下，但我醉到不省人事瞓喺馬路，又搬唔郁我，結果塞住朝早頭班車巴士開唔到，全車人呆等，最後要Call朋友夾手夾腳將我搬離馬路。」之後他返回寓所開門竟扭斷鎖匙，凌晨5時驚動睡夢中的林父開門，幸好醜態照未有流出，但自此會節制飲酒。

今次合作做生意，問到會否由生意拍檔變電影拍檔？林耀聲笑言：「蕊蕊可以做我阿媽！」女方即稱只大他兩歲：「做家姐得唔得？」近年主力做生意的蕊蕊有感幕前工作比較被動，加上內地仍未通關，想趁這段時間做生意當學習。