談善言 火爆家族成日嘈

片中飾演謝君豪女兒的談善言，自爆與家人也屬於火爆型：「細個成日同屋企人鬧交，好在大家過咗道氣就算，唔會再提件事。」又指父親對她特別愛錫，以往經常帶她遊山玩水。謝君豪則坦言每個家庭總有拗撬，教路最重要懂得何時「收口」，他說：「有時鬧到火紅火綠，好多說話會衝口而出，個傷害係永久，倒不如適當時候收聲，大家冷靜落嚟件事雖然未必完全解決，但起碼唔會加深個傷害。」與太太育有一名女兒的他，指兩父女向來互相尊重，女兒每當遇難題時都會向他徵詢意見。