做貓奴呻搵食艱難 張敬軒獲粉絲慰勞 冧晒

張敬軒在早前出爐的廣告媒體監察商調查中，位列「十大KOL排行榜」的第一名，而他能成為各大廣告商的寵兒，全因好使好用。在剛出街的吸塵機廣告內，為服待兩位貓主子，連下跪遞餐都願意，他在社交網幽自己一默大叫「陰功」：「搵食艱難，世界難撈，你睇我好，我睇你好，一家唔知一家事，對人歡笑背人垂淚。」

而拍攝當日，軒仔一見兩隻可愛貓咪就大施冧功，同時亦着工作人員盡量不要太多動作或發出噪音，而貓咪似乎對軒仔的貼心服待相當滿意，拍攝過程順利，就算被軒仔抱起兼送吻，貓咪亦畀足面，零反抗。

另外，其粉絲得知軒仔日以繼夜趕拍英皇賀歲片《超神經械劫案》相當操勞，昨日向劇組送上大批飲品及牛角包打氣，而應援品全部貼上軒仔的肖像貼紙，兼且有「食飽再開工，祝拍攝順順利利」的大字，軒仔笑說：「點好意思要佢哋破費呀，雖然我減緊肥，但一定會食晒啲Croissant（牛角包），哈哈。」