余文樂畀當奴踩住上

組合艾粒相隔3年再合體開騷，前晚尾場4度Encore，Fans仍不肯離去。成員當奴與少爺占以遊戲方式比併，當奴代表的「矮人隊」一連4晚以壓倒性姿態撼贏少爺占的「靚人隊」，少爺占笑說：「知你係潮人，諗住送8千蚊嘅名牌白色背心畀你，最後發現係女裝冇買，但我仲有驚喜畀你！」他指當奴一直介意自己只是潮界「第二把交椅」，大銀幕隨即播出「第一把交椅」余文樂的片段，他大讚當奴才是潮人，甘願「退位讓賢」，令當奴大為感動：「不過潮人係唔會喊嘅。」