新碟面世逼爆網 疑借催淚歌剖白 Taylor暗示曾流產

相隔2年，Taylor推出第10張大碟《Midnights》，配合歌名於前日午夜面世，串流音樂播放軟件Spotify因過多網絡流量而故障，約凌晨1時10分，紐約已收到7,844宗投訴，經搶修後於凌晨3時服務才回復正常。Spotify其後宣布Taylor打破軟件歷來大碟單日播放次數紀錄，Taylor在社交網多謝Fans支持：「點解我可以咁幸運，有你哋做到咁癲咁正嘅事？究竟發生咩事？」

歌迷仔細分析Taylor每首新歌，當中《Bigger Than The Whole Sky》被懷疑暗示她曾秘密流產，歌詞寫到：「再見再見再見/你比整個天空更廣闊/你不只是一段短時間/我有很多值得懷念的/我有很多失去的/我永遠無法與你見面/去看到你可以變成的樣子」。Taylor與英國男星Joe Alwyn自2016年開始拍拖，女方一反常態非常低調，有傳2人於今年6月訂婚。

網民認為歌詞寫出母親流產的傷痛，永遠無法與孩子見面，看着孩子長大。有人留言提醒曾經流產的聽眾，聽這首歌時要有心理準備：「提提其他曾經流產嘅媽咪：Taylor Swift新碟首《Bigger Than The Whole Sky》會令人心情起伏，我建議你喺低落時聽嘅話要攞定紙巾。」又有人表示：「如果你曾經流產，Taylor Swift首歌係好大衝擊，我聽嗰陣喊得太多次。」