升呢「點擊琪」 闖演藝高峰 蔣家旻翻舊帳 愧對敖嘉年

蔣家旻（Angel）日前接受電台訪問，聲稱單身的她大談舊情，當時和朱敏瀚合拍《點解阿Sir係阿Sir》而撻着後，欲發展「地下情」，可惜被傳媒撞見拖手才不得不承認，公開後反覺沒安全感：「會諗將來萬一分手又要交代係好煩，因大家步伐唔一致，嗰時又要拍電影又拍《愛回家》好忙，影響咗感情，拍拖兩年就分手。」

她又稱之後與羅天宇、麥秋成及敖嘉年的緋聞全屬「流料」，但對合作《欺詐劇團》的敖嘉年最愧疚：「佢係教我好多嘅前輩，嗰次成班人去佢屋企，但因為咁而被迫公開佢嘅私隱（已離婚），我好唔好意思。」

另外，《美麗戰場》3周劇情精華片段，在社交網的點擊總次數衝破433萬，Angel被威爺性侵再成網民熱話升呢為「點擊琪」。有指由陳瀅飾演的「家寶」於結局周將終極黑化，但她未變壞前，曾遭由陳山聰扮演的經理人「一言Sir」當眾呼喝，網民揣測性格大變的「一言Sir」疑因愛成恨，背後有大秘密。山聰受訪時稱其角色是參考經理人黃柏高，望對方不要嬲他。