球場如戰場挑機張繼聰姜濤意氣之爭被嘲專恰長者

人氣王姜濤與張繼聰年紀相差19歲，但合作ViuTV新劇《季前賽》默契十足，更常常在籃球場一較高下，輸多過贏的張繼聰笑言是意氣之爭，姜濤則承認專向長者挑機！

MIRROR 4子姜濤、Edan、Ian、Stanley與張繼聰等合演的ViuTV新劇《季前賽》將於明日開播，首次合作的姜濤與張繼聰戲內、戲外默契十足，尤其是埋位前，雙方四目交投打個眼色，即「自動波」落場射籃「挑機」。

張繼聰自言年紀大，體力比不上姜濤，他說：「呢啲咪就係男人嘅對決囉！主要都係意氣之爭啦！我再一次輸畀姜濤，但輸得好愉快，但我澄清我曾經贏過嘅！透過呢啲小遊戲，可以增加大家嘅默契，擺番落部劇度。」面對張繼聰的「語言藝術」，姜濤尷尬笑說：「阿聰話我『蝦』老人家，只會向長者挑戰，原來都係真，我只挑戰過佢同導演，因為隊友太勁喇！其實我哋都係做番自己，全部人都鍾意打波，所以埋位隨時都Ready好。」

向小演員偷師

姜濤與飾演其弟的小演員相差10年，但卻特別投契：「佢仲話戲外都想做我細佬，其實我都好想有，因為我冇兄弟姊妹。尋日收到佢嘅訊息話『聽日見』，初時以為係佢媽咪寫，原來係佢自己PM我，真係好識做！」不過，一直想做爸爸的他，直言見到小演員的功課即投降：「依家我都唔係好識佢哋啲功課，都唔知教緊乜，我都唔記得晒。」他又對小演員讚不絕口：「佢口中話緊張，但其實好Chill，反而令我緊張，因為佢反應比我快，所以係佢教番我做戲。」