林敏驄唔使爭視帝：當贏咗！

「鬼才」林敏驄與江美儀主演的無綫台慶劇《下流上車族》，日前首播時收視高開收23.2點，昨日兩人孖住接受電台訪問時直言喜出望外。阿驄的慈父角色更成功俘虜觀眾，被指有機會問鼎今屆視帝寶座，對此他笑說：「使乜爭，畀唔畀都冇所謂，外間接受呢套劇已經當贏咗！呢樣嘢比起有提名仲犀利，依家唔只師奶睇到喊，連網民都喊埋。（仲有冇劇癮？）冇呀！貴精不貴多嘛！」美儀坦言當初擔心劇集會於網上有負評，沒料劇集播出後反應佳，阿驄更獲網民封為偶像。