昔日東方古天樂幫下一代開創全球市場
影帝古天樂前日52歲生日，休息一天昨日再次出席戲院謝票，藝人余香凝、廖子妤及ANSONBEAN等「玩驚喜」現身賀壽，台前幕後推出盔甲頭盔蛋糕送給壽星仔，而10月26日56歲生日的姜皓文亦獲坦克車蛋糕。古天樂甫現身即拿起咪高峰說：「多謝大家嘅付出，希望日後攜手再創高峰。」受訪時他慨嘆疫情令數年來未有類似活動：「其實嚟緊公司10周年，真係好想認真搞個春茗，但都要睇政策。（10年嚟最滿足係乜？）公司愈嚟愈多年輕人，希望幫下一代開創全球市場。好似《明日戰記》呢類型片種係要開創，但要全公司一齊努力。」
另外，余香凝帶同歲半囡囡「賀壽」：「我教佢錄咗條聲畀老闆（古天樂），祝佢生日快樂。」身為古天樂鐵粉的廖子妤說：「以前喺馬來西亞，知道古生嚟宣傳，我會打電話去電台抽入場券，試過有一次抽中，點知主持人話我冇熄收音機收咗我線！我都係入行先正式見到古生，但喺佢面前要保持冷靜。（想同佢拍愛情片？）諗都唔敢諗，驚褻瀆呀。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
