張繼聰百密一疏 除罩唱歌中招

張繼聰與ERROR成員193等昨日宣傳新劇，早前張繼聰確診，演唱會被迫延至12月舉行，已經康復的他慶幸沒有傳染家人，當初感到不適，即在家自我隔離：「當買個教訓，其實一路都好小心，係綵排嘅時候因為要唱歌戴唔到口罩，知道studio有人中招，都知道凶多吉少。」問到可有人生經驗向後輩MIRROR分享，讓他們走出演唱會陰霾？他說：「呢件事冇乜人經歷過，畀唔到好多意見。不過佢哋仲係年輕人，雖然做得好好，但入咗行唔係好耐，承受好多壓力、苦處，大家唔知，希望經過今次慘痛事件後慢慢成長，行番出嚟，佢哋仲有好長嘅時間，希望大家支持佢哋。」