昔日東方張沛樂忙到推Job 無懼得罪人
33E「咪神」張沛樂（沙律）推出處女歌《揚升的地球》，在MV中由「性感女神」變「佛系女」，收起天賦好身材，以歌聲勸人放下執着。日前她接受訪問，對於歌手形象與其噴血寫真反差極大，她揚言「無定向」最適合自己：「入行前，好多人同我講路線呢個問題，但我入行嘅初衷係覺得好玩，同想體驗唔同嘅事物。」
唔介意唱入無綫
出身自ViuTV節目《美選D.n.A》的她，早前為HOY TV拍攝旅遊節目，問可擔心「ViuTV味」濃而無緣亮相無綫宣傳新歌？她笑言只有一陣「沙律味」，對能否亮相無綫抱隨緣態度：「唔會睇重呢啲嘢，人哋睇法係人哋嘅擔憂，依家係自由身，任何嘗試或方向都接受。」
沙律無懼「絕緣」無綫及已離巢的ViuTV，更不怕得罪HOY TV，事緣HOY TV本對她委以重任，讓她主持大型節目《Summer Girls 2022》，帶領一眾水着女撼港姐總決賽，但最終由「細龍太」陳思圻領軍出戰，沙律解釋：「其實我有其他嘢忙，無法抽空，咁咪擺低佢，係時機問題，唔關電視台事，今日唔知聽日事。（有冇睇番個節目？）冇呀！（唔怕得罪電視台？）我冇諗法，唔會恐懼任何嘢，唔係咁大件事。」
身為樂壇新人，問她可會向舊愛ERROR成員保錡取經？她覺得應由「唔理人、做自己」的角度出發：「唔需要顧及其他人嘅諗法，出面太多聲音，咁樣會迷失自己，我都係做好自己啦！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
