黎耀祥視帝退賽：好多後起之秀

黎耀祥、陳自瑤、蕭正楠等前晚錄影無綫節目《開心無敵獎門人》，忙於內地掘金的老友黎耀祥與阿蕭，難得返港聚首一堂，加上齊齊玩遊戲，格外興奮！

距離上一次亮相同一節目已有10年之久，黎耀祥透露今次是專程返港，問現時是否主力在內地工作，他說：「邊度有嘢做就去邊，不過因為要隔離，通常去到拍晒先走，變咗留耐少少，啱啱嗰次都係3個月，唔算好耐。」早前有指他主演的《輕．功》定檔為台慶劇，但最終未有成事，他說：「監製話遲一檔先播。（今年冇得爭視帝？）我仲有嘅咩？哈哈！好多後起之秀，無綫人才輩出。」另有指無綫有意開拍《巾幗梟雄4》，但遲遲未有消息，他自言檔期多的是，可以隨時埋位，阿蕭即打趣要求對方把他推薦給《巾》劇監製。

至於出道20年的阿蕭表示，有意舉行音樂會：「拍完《破毒強人》去咗內地拍嘢，依家準備緊啲歌。（回歸樂壇？）睇吓佢收唔收我啦！」談到老婆黃翠如經常孖唐詩詠遊山玩水，他搞笑指實情是唐詩詠幫他睇實老婆，問會否介紹男仔給對方？他說：「佢咁優質，唔使介紹啦！」今次返港，他即化身「廿四孝老公」慰妻，翠如晒合照放閃：「回來了，我的大傻。」

而陳自瑤正在放假，並計劃投資有關健康養生的生意，問是否進軍商界，她笑說：「想學吓嘢，係小小嘅生意，會繼續拍劇。」