湯怡有賊入屋 損失十幾萬

湯怡昨日35歲生日，可惜有點掃興，她自爆：「中秋節前後發生咗啲不愉快事件，我後知後覺，屋企被爆格，翌日入衣帽間先知冇咗兩隻錶，其中一隻仲好有紀念價值，現金損失幾千蚊，加加埋埋冇咗十幾萬！」她事後報案亦不得要領：「真係唔知啲賊點入嚟，後來我發現其中一隻窗被撬過。衣帽間亂咗，我以為老公冇手尾，但諗諗吓發現唔對路。（冇閉路電視？）就係咁啱嗰排附近冇網絡。（嚇親？）老公唔喺度要開燈瞓。」她大感肉痛，惟有當破財擋災：「最緊要個人冇事，依家最希望快啲搬走，睇緊盤喇！我哋住得偏僻，嚟緊囡囡返學，都會搬番入市區。」