綜藝節目重新布陣《香港型男競選》培育新星

主理綜藝節目的好好製作行政總裁余詠珊，指HOY TV節目將重新排陣，晚上黃金時段將網羅資訊、飲食、旅遊節目及電視劇，並有意推出大型健康節目，當中《全球100個廚師》將於世界各地邀請顏值及廚藝兼備的廚師參加。問是否為了狙擊大減飲食節目的無綫？她說：「飲食節目可以令觀眾放鬆同調劑，如果TVB唔做就好可惜。」明年電視台還會舉辦《香港型男競選》，問是否挑戰無綫的《香港先生》﹖她說：「冇咁嘅諗法，只係覺得香港娛樂圈缺少男仔，所以想搞一個好似『港男』嘅比賽。」

簡淑兒首度為HOY TV遠赴英國37日，拍攝深度生活節目《離鄉別井的故事》，走訪15位移居英國的香港人：「行程太緊湊，根本冇時間Shopping，中途仲病咗，有受訪者煲粥畀我食，好Sweet。」她坦言有掛念男友麥大力，問到男友會否重返機師崗位，她說：「總之未正式（飛）嘅，佢同TVB仲有合約，佢做乜我都支持。」至於以「黑白雙煞」Look現身的衛詩雅與鄭融，將主持節目《另類自由行》，衛詩雅說：「我鍾意學嘢，製作組提議我去日本考牌，學驗初生雞仔嘅性別，聽講做得好嘅話，一星期可以有20萬日圓收入。」