情已逝 保留「新抱」身份 余思霆融入朱家 復合講唔埋

思霆日前接受本報專訪，大方剖白這段情，對於外間對2人分手大感可惜，她說：「當日收好多短訊都係咁講，但大家未來方向唔同，現階段應該係忙事業，朱仔亦好專心，係好事。（唔排除他日復合？）未來事唔知，依家係好朋友。」

做到再見亦是朋友已是難得，沒想到思霆早已融入朱家，被世伯及伯母視為新抱仔看待，故當初從外間獲悉他們分手消息時感震驚：「世伯同伯母都好錫我，平時都會打畀我傾偈，不過分手呢件事，我哋事前冇畀心理準備佢哋，所以好震驚。（你有冇掙扎同想挽留？）冇特別想去做啲咩，但我有放心機喺呢段感情，呢兩年日日都有傾偈，會互相交帶，不過長時間冇見，感情好易淡。（咁都捨得？）大家關係似屋企人，所以今次返嚟隔離完出關，伯母都煮咗成枱餸同我洗塵，世伯都叫我一有時間就返去食飯。」

思霆淡然表示來港5年來均沒有停止談戀愛，故趁現時空窗期停一停，享受單身日子，問到可會出外認識異性？她搞笑表示：「香港啲朋友多數都係同朱仔係共同朋友，哈哈！」