快人一步榮升獎老徐麟獲打造女版金剛

應屆落選港姐徐麟完成比賽不足一個月，即獲「欽點」加盟《開心無敵獎門人》，尚未動筆簽約已獲派優差。前晚她以一身Cosplay打扮登場錄影節目，獲同屆冠軍林鈺洧及季軍梁超怡兩位好友現身打氣。

談到率先獲得工作機會，於節目內擔任「獎老」，徐麟操半鹹半淡廣東話說：「係好難得嘅機會，同監製佢哋開完會就決定試吓，我都想快啲同觀眾見面，試多啲唔同嘅可能性。（點練好廣東話？）睇新聞、電影等等。」對於廣東話可能被取笑，徐麟顯得相當大方，直言不介意帶歡樂給觀眾：「節目效果嘛！（情形好似當年金剛咁？）我都好想同佢一樣令大家開心，同埋獲得關注。我諗我係新人，大家會識得照顧我。」

正式錄影時，她想講「炸爆一廠」，但講成「炸爆張床」，期間又因走位問題，擋了前輩錢嘉樂鏡頭，被取笑「唔識撈」。對於徐麟率先「跑出」，「獎門人」說：「佢係少有廣東話咁唔正，而觀眾好接受嘅人，都希望佢繼續留低做主持，好似當年嘅李綺虹，同埋想打造佢成女版金剛。（唔驚其他港姐呷醋？）佢哋會入到其他組嘅。」

陳庭欣認老

另外，港姐出身的陳庭欣、朱凱婷、何泳芍、胡美貽、陳若思等，組成「優化港姐隊」出戰任嘉賓。站在一眾師妹身旁的35歲陳庭欣忽然認老：「冇辦法，人哋個個青春少艾。為咗今晚錄影，我操咗成個星期先見到少少馬甲線，已經唔係好敢食嘢。」