楊洛婷笑老公「浪漫式齋跪」

楊洛婷為馬場活動擔任大會司儀，早前她與老公到希臘及土耳其旅行兩星期，笑言玩到不捨得返港：「原本只去一個國家，因為機票好貴，媽咪話機會難得，惟有喺食、住慳啲，人生中瞓咗兩晚機場，經歷係錢買唔到。」提到她在社交網上載一張老公向她跪地的相，她稱整個行程由自己安排，故要求老公在行程中給她一個驚喜，她笑說：「個驚喜就係佢跪地，我以為佢會跪地送首飾畀我，點知乜都冇，我老公真係好『浪漫』囉！」