冼靖峰奪「衣着大獎」

「聲夢」歌手冼靖峰獲大會頒發「最佳煲呔衣着大獎」，他表示每逢大時大節也會跟朋友入馬場碰運氣，惜運氣麻麻。講到獲衣着獎，他謙稱要多謝形象指導，並憶起首次打煲呔是在中學的畢業晚宴。另外，提到工作，他透露最近忙錄新歌：「今次啲歌比較難唱，所以比預期中花多咗時間錄音，監製經常同我講：『你今日唱得好過之前，不如再補錄幾句。』而且佢想我試吓用外國歌手嘅腔口去演繹，所以花咗啲時間去摸索。」