曹敏寶《中年》再逐歌手夢

曹敏寶受訪時表示：「大約20年前我同朱智賢參加過歌唱比賽，當時我攞亞軍，之後出過幾張發燒碟，都有4、5年冇出嚟見人。今次老公、家姐曹敏莉、朱朱同謝東閔都好支持我，因為9個月前生囡囡，我未係最好狀態，如果瘦40磅會比較有信心。」而應德榮大方透露與老婆鄺文珣因唱歌而認識，年輕時因繼承家族生意而放棄追夢。談到太太一直在內地工作，他說：「佢去咗幾個月，頭先有睇直播支持我。（北上探佢？）應該會。」蔡穎秋則表示母親向來禁止她入行：「婆婆唱粵曲，佢又成日登台，佢覺得做呢行好辛苦，終於等到今次佢畀我試吓。」

節目監製陳俊聲形容今次報名人數超過預期，昨截止收到約3千張表格，將進行第4輪面試。由於報名者眾，故賽制及入圍名單多寡仍未有最後定案。