合資50萬為團歌應援 AK FC拒夾錢 鏡粉內訌

MIRROR新歌《We All Are》以「Team MIRROR」之名作詞，象徵12子齊心面對演唱會發生墮屏事故的逆境，鏡仔眾志成城，粉絲團亦加強應援，租用尖沙咀碼頭的戶外廣告牆，由昨日開始至本月27日，約每2分鐘播放1次團歌，且有各成員的大頭短片，合共50萬元的廣告費由各Fans Club（FC）集資。

不過，昨日有讀者爆料指12名成員中，只有Anson Kong（AK）的Fans Club玩離群，以「生日月不作廣告宣傳」為由不參與新歌應援，而MIRROR社交網上的「應援聯乘」貼文中，亦獨欠AK歌迷會的名字，有網民留言：「11FC only? Where is AK?」而署名「@hk_mirror_akforever」回覆：「AK生日月，講咗唔落廣告，將落廣告錢做慈善（救助動物）。」亦有AK粉絲護主表示：「係自發性參與㗎！」不過依然惹來疑是其餘11子的粉絲反擊：「又話12-1=0」！更有人不滿說：「生日月以後每年都唔好出歌？」、「其他FC幫佢出埋錢幫佢做宣傳，都幾叻仔！咁就可以慳一筆。」指AK的粉絲卻有錢推出不同的應援物品為他慶生。事件惹來12子歌迷會「內訌」揣測，亦有粉絲喪插MIRROR所屬的公司MakerVille：「點解係各子Fans Club畀錢，唔係公司畀？」

而今日30歲生日的AK對於Fans Club有「不合群」之嫌，他回應說：「FC係因為我一開始時講過，生日所有應援都變成慈善較為適合，明白好多粉絲會擔心團魂問題，放心，我哋12個很好，望大家諒解呢次不參與應援決定，啲錢的確能幫到唔少動物。會繼續做好自己。」他又於社交網上載藍天相，勸勿再對受傷舞蹈員阿Mo的生日應援做出惡意行為，並表示自己唯一的生日願望是3位受傷的舞者早日康復。