《青春》學員跳唱挑戰難度 曾樂彤密密支援 讚後生可畏

忙於為香港開電視選秀節目《就是青春》擔任「YOUnion」的她，主力陪伴及後援學員，她表示拍攝時間頻密：「一星期拍幾日，除咗比賽環節，仲要參與佢哋訓練，最細嗰個13歲，聲都未變，不過佢哋好勇敢。」更指今年初推出一隻新歌後，原定還有3首歌陸續面世，奈何因疫情問題而要延至明年。

而《就是青春》於今日播出第2集，18位參賽者經過長達半年的特訓後，將於今集展開首輪團體淘汰賽，歌手梁釗峰及黃妍擔任「星級樂迷」評價參賽者的演出，全場最吸睛莫過於曾琸庭（Alice）及林曉蕙（Candice），二人同樣揀選跳唱出戰，前者自選容祖兒快歌《跑步機上》，並身穿Tube Top戰衣亮相，熱爆全場，黃妍讚嘆：「眼神動作好到位，同埋跳唱真係唔簡單。」作為「YOUnion」團長的陳柏宇（Jason）聽到則取笑她：「佢（黃妍）點會知啫，佢都冇跳唱。」但釗峰對於Alice所揀選的歌曲感到不解：「點解揀呢首歌去表達心動？」Jason說：「邊個男人睇呢啲唔心動啫？」

賽後Alice自覺表現一般，坦言沒想過邊跳邊唱難度如此高。至於賽前曾確診的Candice，坦言兩日前才康復，故擔心表現未如理想，幸最終獲黃妍及釗峰大讚眼神銳利夠自信。