鍾雨璇開騷被睇死 匿埋屋企喊

歌手鍾雨璇與樂隊All for One前晚在麥花臣舉行聯乘音樂會，穿熱褲騷美腿的鍾雨璇以勁歌熱舞炒熱氣氛，騷後她接受訪問指完成音樂會可謂挑戰了個人界限，因只有兩個月時間準備，相當緊迫。她感觸指開騷前也擔心入座率，更受到冷嘲熱諷：「都驚較高位置要用布圍住，一個月發生好多事，聽到有人話邊有人會嚟睇呀，聽到好唔開心，自己都匿埋喺屋企喊。」為音樂會搏到盡的她，練舞換來周身傷，腳踭、膝蓋韌帶、背部也感到痛楚。