曾兩度流產 堅持不放棄 符曉薇懷孕：得來不易嘅禮物

歌手陳柏宇太太符曉薇（Leanne）經歷過兩次人工流產，曾邊哭邊拍片透露不幸消息，幸好她與丈夫陳柏宇一直沒有放棄，昨日她透過社交平台宣布終於成功懷孕，將為女兒Abigail添一名妹妹，她表示：「上年我同自己講冇勇氣再懷孕，今年估唔到上天送咗份禮物畀我哋，感恩我可以再次懷孕，每日都抱住擔憂同感恩嘅心情，得來不易嘅禮物，只希望妹妹健康平安出世。」

她表示感到身邊不少朋友已猜測到她正懷孕，亦收到不少朋友留言求證，但由於對上兩次經歷令她留下很大的陰影，所以未有正面回覆，她說：「但係個肚大得太快，今日就同大家分享呢份喜悅，我會同妹妹一齊加油。」

記者聯絡上陳柏宇，問到會如何準備迎接小生命？他表示：「冇咩特別要準備，都準備過一次，全部都識㗎啦。」至於女兒Abigail會否呷醋，他表示：「唔知喎，又唔覺得喎。我諗都係視乎你點傳達呢個訊息畀佢啫！」

Leanne前年曾懷孕，卻不幸發現是宮外孕，要緊急做手術切除一邊輸卵管；去年初那次則發現胎兒患有「愛德華氏綜合症」，最後要接受人工流產，一年時間內經歷兩次流產，令人心痛。故今次的身孕確是得來不易，難怪兩公婆如此開心。