陳家樂為份糧 鹹魚都不如

陳家樂前日生日，未婚妻連詩雅率先準備生日蛋糕為他慶生，令家樂相當感觸，不禁在社交網回想20歲初出茅廬的日子：「周而復始，冇業績、冇夢想，鹹魚都好味過我，結果有日上司走嚟問我 ：『你想點？不如你諗吓有冇其他地方適合你，我畀一晚時間你諗諗！』」家樂為守着幾千元收入，打算硬着頭皮向上司承諾會畀心機，豈料翌日當他正想開口，上司已搶先一步勸他離職。他表示很憎這位上司，但如果當日沒有他協助做這個決定，便沒有今日的陳家樂。