昔日東方旅遊節目一腳踢 打造「洪黃CP」2.0
隨着防疫措施放寬，意味旅遊節目將進一步復活，開電視稍後將安排一眾學員，以兩人為一組飛往世界各地「深度遊」，介紹當地的風土人情、文化及生活等，最特別是由度橋、訂機票酒店以至安排行程，都由學員一腳踢，不能假手於人，是挑戰他們知識及執生能力的重要課題！
《就是青春》負責人余詠珊曾成功打造黃翠如及洪永城為旅遊達人，她對18位參者者亦寄予厚望，希望從中打造出「洪黃CP」2.0，當中參賽者阮偉倫（Kris）外形討好，加上畢業於香港大學社工系，不難於旅途中交朋結友，他聞得有機會出埠即開心說：「疫情呢2、3年都冇得飛，有得拍旅遊節目，真係未出發先興奮！」林曉蕙亦大感興趣：「有得拍旅遊節目真係超興奮，以前出埠都係比賽游水居多，來來去去都係泳池同酒店，相信拍節目可以識好多唔同嘅嘢。亞洲想去韓、日、台，好掛住台灣嘅夜市，又想去日本行街；歐洲就想去法國，事關一直計劃緊去巴黎鐵塔觀光。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
