林夏薇他鄉遇故知

視后林夏薇早前拍完無綫劇《寵愛Pet Pet》後，即飛到馬來西亞出席護膚品活動搵真銀，之後往韓國首爾展開悠長假期。她受訪時表示之前一直忙拍劇，至日前終有空檔：「依家每日都好充實，都好多年冇嚟過首爾，有啲鍾意食嘅餐廳，今次再嚟已經冇咗！不過最奇妙嘅係喺度撞到香港嘅朋友，就係《寵》劇入面我隻狗嘅女主人，我哋仲一齊去影大頭相，感覺好似返去中學時候。」談到於當地學跳舞，她表示：「之前一路好想去韓國學跳舞，但工作好忙，再加埋疫情飛唔到，所以今次願望成真。」