昔日東方票房再破紀錄 張家輝試新嘢唔怕輸
影帝張家輝昨首次現身參演電影《明日戰記》謝票場，現場戲迷反應熱烈，而該片累積票房已衝破6,801萬港元，成功超越韓國電影《屍殺列車》，成為香港電影史上最高票房亞洲電影。
謝票送禮物環節，家輝搞笑問大家「我是誰」，有觀眾大叫「化骨龍」，他即出動《明》片經典金句對白回應：「我就是天幕呀，其實套戲冇張家輝嘅，『化骨龍』就最好唔好再提嘞。」
向古天樂?撈
期間不在香港的古天樂突然來電，家輝繼續搞笑：「你係天樂，我係天幕喎。喂，返嚟開番幾部戲畀我啦。」問到古仔欠200萬便順利「登7」，他老實不客氣說：「梗係愈多愈好啦！」
對於有觀眾表示已看了31次，家輝直言感動：「我成日話，電影係創意工業，應該多元化發展，同時亦需要鼓勵及推動，都明白易講難行，每次想去突破同冒險時，風險就會變大，不過要睇好風景嘅話，都要行難啲嘅路。」
他坦言以往都拍過些嶄新題材的戲，最後輸了，但沒被嚇怕：「如果以後有人投資，我都繼續敢去做㗎。（今次票房成績會唔會增添你往後作品嘅壓力？）唔諗，最重要創意，如果千篇一律嘅題材，做嘅冇意思，睇嘅亦都冇意思。」他又透露月中便飛往馬來西亞，繼續拍攝電影《爆裂點》，回港即投入自導自演電影《贖夢》的準備工作。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
