買單程票返港Happy 陳曉東慫恿囡囡逃學睇騷

歌手陳曉東受疫情影響，時隔3年才回流香港，除了推出新廣東歌，本月22日他將在西九舉行戶外演唱會。他表示粉絲經常在其社交網追問何時出歌？何時開演唱會？他笑說：「好似追債咁，但原來佢哋一直喺我身邊，冇離開過我。」首次在戶外開騷，他希望不要落雨，並已閉關操練，他說：「我一開騷就搵健身教練不停糟質我，我對自己有啲要求，等狀態好啲。」但笑言無意騷肌：「唔使咁刻意。」他指10月天氣依然熱，故細心提醒觀眾自備風扇和水槍。

由於太掛住香港，東東此行只買了單程機票從內地回來：「今次想留耐啲，以前一年返嚟幾次，依家返內地要隔離，又唔知買唔買到機票。」雖然他笑指現在是「放監」、太太「放虎歸山」：「我喺度Happy吓先！」但其實很想念家人，太太與兩個女兒身在北京，他笑言曾叫女兒逃學來港看他演出，但說：「佢阿媽唔制，仲話『畀學費20幾萬，除番開一日冇咗3千幾，你諗過先！』搞到我冇得反抗。」

東東坦言對香港有份情懷，對於很多歌手藝人北上發展，他指自己現時心態是完全隨心：「冇任何壓力、束縛，咁嘅工作狀態我最鍾意。」曾經歷過不同階段、試過不同挑戰的他續說：「跟住條路想點行呢？好多嘢唔再單純係為咗賺錢，依家我想做啲嘢，好似我想做廣東歌、想開騷，對我嚟講係有一種意義。」

近年較少演戲的他坦言推了幾個劇本，因想揀合適的才演，並說：「有啲角色唔想再拍，譬如太偶像劇，我覺得唔啱年紀。」直言最想嘗試演律師、警察、CID等角色，自我挑戰。