撐枱腳斷正 林正峰暗示「中計」 劉溫馨反擊：唔熟點會食飯？

林正峰與游嘉欣緋聞傳得似層層，雖然兩人拒認愛，但早已被外界視為一對。昨日有指林正峰疑似一腳踏兩船，偷嗒劉溫馨。他被拍得與劉溫馨在土瓜灣撐枱腳，慶祝他28歲生日。劉溫馨一身性感「戰鬥格」以大露背連身短裙示人，2人打扮更有如情侶裝，林正峰見她到埗後，即體貼脫下外套給她披上，用餐時亦照顧周到。此外，更指劉溫馨早前到旺角挑選男裝內褲，估計是送給他做生日禮物。

劉溫馨受訪時否認拍拖，指當日只是與林正峰吃生日飯慶祝：「（食餐飯）好正常，朋友唔係男仔就女仔。（送內褲畀佢？）我係睇女裝，大家唔好咁敏感！（知唔知林正峰同游嘉欣拍拖？）唔知喎，從來唔過問朋友嘅感情生活。」

而林正峰回應時以4點作出澄清，一開始便指生日飯是對方主動相約，指平日甚少傾偈，但因對方是曾合作的前輩，他才赴約，飯後已沒有聯絡，對今次事件百思不得其解。至於有指劉溫馨送底褲給他，他即表示沒收過對方任何禮物，又解釋對方着得靚，只因剛完成記者會，所指的「外套」亦是屬於對方的。他對於「好兄弟」游嘉欣經常被擺上枱致歉，並一再強調單身，現在無意發展任何戀情，更揚言學懂了世途險惡，稱以後會更加小心。對於林正峰的回應，劉溫馨只說：「如果唔熟，點會出嚟食飯？出面寫啲乜嘢，我都冇乜所謂，清者自清。」