陳柏宇為參賽者變「搜尋器」關心妍囡囡唱上癮承傳紅館夢

歌手關心妍（Jade）、陳柏宇（Jason）等昨日出席香港開電視選秀真人騷《就是青春》綵排，以嘉賓身份與參賽者分享心得。Jade表示平日亦有教唱歌籌款，故有相關經驗：「因為今次係造一個明星，所以要全面啲，唱歌跳舞兩邊比重要諗吓。」問到若女兒將來想參加比賽會否反對？她說：「讀好啲書先，我覺得無論做咩都好，學業都要繼續。」她坦言不會反對囡囡唱歌，又笑言囡囡自上次踩紅館舞台後突然愛上唱歌：「佢問我幾時再去紅館，我話媽咪都等咗10年先再上，你再等吓。」

Jason笑稱自己的身份是「人肉網絡搜尋器」，他說：「唔係導師，係喺佢哋有需要時幫下，唔會主動畀意見，等佢哋可以學習選擇同處理事情。」問到有否遇到「點極唔明」的情況令他生氣？他說：「傻嘅，點極唔明都合理，因為唔易做嘅，所以我唔會勞氣亦唔會鬧人。」

參賽者Alice中暑

另外，昨日有份出席的20歲參賽者曾琸庭（Alice），早前為節目於戶外拍攝MV時中暑，她笑指自己其實並不孱弱，並說：「預咗做呢行一定辛苦。」