新抱爆家醜碧咸罕有鬧仔

英國前球星碧咸（David Beckham）太太Victoria，自大仔布魯克林（Brooklyn）與美國豪門女星妮歌娜佩絲（Nicola Peltz）成婚後，傳出婆媳糾紛，妮歌娜最近受訪爆大鑊，即引來碧咸震怒捉兒子訓話！

知情者透露：「我諗碧咸以前從來冇對佢發過火，佢同個仔講：『我哋屋企係唔會咁做人……之後會點，由你決定，但我哋已經受夠。』碧咸真係好嬲個訪問，因為好似將家醜外揚咁，連布魯克林細佬羅密歐同告斯都好難堪。件事都幾令人意外，因為碧咸一向只會讚布魯克林。」

據稱碧咸家族亦將他們的情況與英國王儲威廉與弟弟哈利王子不和對比，有人指問題均源自「美國新抱」妮歌娜與梅根。更有指碧咸家族怪布魯克林已忘記自己是姓「碧咸」。