片場放閃 互叫暱稱 陳茵媺自我催眠 忘記陳豪係老公

陳豪、陳茵媺、周嘉洛及游嘉欣等昨日在將軍澳電視城為無綫新劇《羅密歐與祝英台》（暫名）拜神。陳豪夫婦分別飾演「梁山伯」與「祝英台」，陳豪變「長髮Mo」，陳茵媺則兩邊頭髮剷青，造型霸氣。

10年沒有拍劇的陳茵媺指「復出」是時機配合，因3名子女已升讀小學，自己有較多時間，加上今次角色複雜有挑戰性，除了有動作場面，還要女扮男裝，有如一人飾演兩角。她指拍攝初期亦不習慣，笑言廣東話及中文都有退步，要老公人肉翻譯。

兩人被爆開工時以sweet爆暱稱相稱，陳豪笑說：「呢個係我哋嘅真實一面，平時係咁對話。」講到「公器私用」，在劇中攞正牌拍親熱戲，他說：「只係蜻蜓點水式，有好有唔好，拍親暱戲會自然啲，平時要有隔膜就有啲唔舒服，未試過咁樣嘅相處方式。」陳茵媺亦說：「都好擔心，因為對住老公太熟，但係拍戲就要忘記佢係『老公』，代入佢係『梁山伯』。」

至於周嘉洛與游嘉欣飾演「羅密歐」與「茱麗葉」，劇中一見鍾情，愛得轟烈。兩人曾合作，但不熟稔，問到拍親熱戲可會尷尬？周嘉洛說：「唔尷尬，佢好玩得！」游嘉欣則自爆他們拍對望戲瞬間爆笑。