首揭分手真相李佳芯加深了解冇得救

藝人李佳芯（Ali）、麥美恩（Mayanne）及劉穎鏇在無綫節目《仨心友行3》大談感情事，Ali公開與陳炳銓分手的原因，直指雙方之間的問題已醞釀多時，後因疫情關係令相處時間變長，問題隨之浮面，必須正視。她指雙方再見亦是朋友，至今仍保持聯絡：「我好感恩用咗第二種方式同佢做朋友，去維繫番呢段感情。」

麥美恩甩拖變喊包

Ali希望另一半能夠了解及支持自己，並自認不懂撒嬌及氹人，加上予人感覺硬朗，很容易令男友覺得她不需要自己：「依家學識就算一句：『搞唔掂呀，冇咗你唔得！』佢可能已經好開心。」貴為女神的她自言從來不覺多人追求，而且對不感興趣的異性獻殷勤，會火速落閘：「唔鍾意嗰啲就會話：『得啦，唔使呀，我自己拎啦！』我已經男人上身，好驚令人哋誤會。」至於之前自揭長距離戀情告吹的Mayanne，坦言分手後終日以淚洗面，情緒極度不穩定︰「夜晚瞓瞓吓會自己流眼淚，成塊面濕晒。」

另外，3女在節目中首次挑戰吹「葉笛」，唯一成功吹出聲音的Mayanne自誇「吹簫專家」，她們又發揮搞笑本性，披上七彩絲巾在田園擺出「大媽甫士」合照，場面爆笑！