林鈺洧想入劇組「受苦」

出爐港姐冠軍林鈺洧、亞軍許子萱、季軍梁超怡與「友誼小姐」邢慧敏，昨日到中環出席活動，問到將來希望拍劇還是綜藝節目？林鈺洧表示要看公司安排，最想拍處境劇《愛．回家之開心速遞》，她笑說：「好想做大小姐（林淑敏）嘅秘書，想畀大小姐篤『魂精』，哈哈！」又自爆有另類喜好：「我好鍾意儲暖壺，2015年鍾意咗煲湯之後，就買咗好多暖壺用嚟裝湯，屋企有25個。」問到追求者送暖壺是否更容易打動芳心？她笑說：「未有人送過，都冇乜人知，送乜都冇所謂，心意嚟。」