MIRROR 4劇強攻：一步一步嚟！

男團MIRROR紅館演唱會7月底發生墮屏慘劇後，12子停工2個月，連帶主演劇集亦被抽起，但隨着他們即將正式復工，ViuTV亦發動攻勢，一口氣力推4部劇集，全部都有MIRROR加持，擺明對撼無綫4部台慶劇《美麗戰場》、《超能使者》、《新四十二章》及《下流上車族》！

ViuTV前晚公布4劇預告，除打頭陣於10月3日播出、由Frankie及Stanley主演的《野人老師》，以及緊接播出、由姜濤、Ian及Edan主演的籃球劇《季前賽》外，更有MIRROR正副隊長Lokman、Anson Kong偕Alton、Tiger孭飛的《繩角》（前名《死角》），以及Anson Lo及Jer主演的《百萬同居計劃》。

獨欠Jeremy

短短20秒的預告片中，除率先公開4劇的未曝光畫面外，更用各劇對白組成句子：「當我哋迷失方向嘅時候，一步一步嚟。仲以為你真係唔同咗，點知都係同以前一樣。就算係錯，呢條路都係我自己揀嘅。」片尾更以「萬鈞劇力、厚積薄發」作口號，似是MIRROR的復工宣言，不過，4劇中獨欠成員Jeremy的身影，不少Fans都為他可惜。