陳煒升呢人妻即開工 朱晨麗接完花球 趕住相睇

朱晨麗前晚在閨蜜陳煒的婚宴上成功接到花球，朱朱昨日笑說：「梗係開心啦！」她自爆陳煒在婚禮開始前，已經點名吩咐她認真去接，她笑說：「現場冇幾個係未婚，冇乜對手，大家畀晒機會我，咁接到花球都開心嘅，係好Lucky，感恩。」參加過不少婚禮的她是首次接到花球，她說：「接到係好好嘅祝福，希望未來日子有好嘅緣分，好似煒哥咁幸福，羨慕佢有個完美老公。」

朱朱指以往經常跟陳煒兩公婆食飯，雖然當時他們仍未結婚，但已是「模範夫婦」，朱朱說：「佢好sweet、好冧，對老公非常好，對朋友又好細心，作為一個閨蜜會好好學習。」問到陳煒在現場可有為她介紹筍盤？她笑說：「現場都係老友以及同事，唔緊要，我相信緣分嚟嘅自然會到。」

主角陳煒前晚由恩師鄭偉強牽入會場，在眾親友見證下與老公交換戒指及三度親吻，她說：「好感激鄭偉強陪我進場，呢度冇人比佢夠資格。佢係主宰我呢26年演藝人生好重要嘅一個人，當年如果唔係佢喺垃圾桶執番我報名亞洲小姐履歷資料，肯定冇今日嘅陳煒。」

而新婚的她昨日火速為劇集《黯夜守護者》宣傳，笑言未慣「陳太」這個稱謂：「叫咩都應，叫陳太會笑得開心啲。」談到朱朱搶到花球，她大爆：「聽講嚟緊有啲相睇活動，會介紹男仔佢識，佢叫我陪佢出席！（帶何廣沛畀佢睇？）何廣沛睇咗好多次啦！（叫老公介紹醫生朋友？）陳醫生啲朋友老喇，哈哈！」她又表示考慮11月才度蜜月，因為要預留時間參加公司台慶。