Paris懸紅7.8萬尋愛犬

美國「名門獄女」Paris Hilton上周在社交網貼文透露寶貝愛犬Diamond Baby走失，並出「巨額賞金」懸紅叫人幫手找尋愛犬，不過經過一星期後仍然音信全無。

日前她再出Po公開新告示，今次她強調成功尋回愛犬者可獲一萬美元（約7.84萬港元）賞金！她亦有撰長文留言講感受：「已經過咗一個星期，Diamond Baby仍然下落不明。呢個係我人生中最痛苦嘅經驗，我個心已碎，我好掛住佢並感覺到冇咗佢喺身邊有如失去自己嘅一部分。」而她亦自爆已搵過6位可靠的寵物傳心師幫手，他們均表示狗女仍然在世。雖然愛犬未尋回，但她日前仍要出埠開工，應時裝品牌之邀到「米蘭時裝周」行騷，事後她亦有於社交網上貼相，照片中的她一臉愁容！