當選被封「性女港姐」林鈺洧學識慎言：上咗好大一課

出爐港姐冠軍林鈺洧當選後即被翻舊帳，揭出曾在節目中自爆性史，故被封為「性女港姐」。她昨日現身時揚言行得正企得正，並沒做缺德事，無懼影響港姐形象，但承認上了寶貴一課，日後定會慎言。

今屆港姐賽事前晚圓滿落幕，三甲分別為林鈺洧（Denice）、許子萱及梁超怡。賽後受訪時，Denice坦言對賽果感驚訝，而身在內地的父親林俊賢因不想隔離，故未有返港，她笑言之前不獲爸爸看好，今次算是「剝咗佢棚牙」。眾佳麗前晚約凌晨一時許返回將軍澳下榻的酒店，Denice稱最想食糉慶祝，但為免身材走樣，不敢太放肆。

無悔自揭性史

昨日，出爐港姐三甲及友誼小姐邢慧敏現身無綫55周年台慶亮燈儀式，談到Denice之前在ViuTV節目《對號入座》自稱有過5位性伴侶，並大談性經驗，她表示：「已經過咗去，希望大家集中我當選以及未來一年嘅港姐工作，以前細個因為工作關係而講。（畀人話係『性女港姐』，會唔會尷尬？）時間沖淡一切，嚟緊我會履行港姐職責。（唔擔心影響港姐形象？）我行得正企得正，我本身係個正直嘅人，冇做缺德事。（以後會慎言？）當然，今次上咗好大一課，冇諗過身為公眾人物，講句說話會維持咁耐。（後悔上嗰個節目？）唔後悔，每個節目都訓練到唔同方面。」對於加冕時不慎走光，她指當刻可能過於開心而沒有防備，日後會更謹慎。

曾志偉笑對批評聲

同場的曾志偉滿意港姐決賽，對於Denice被形容為「性女港姐」，他力撐：「我哋唔會翻佢舊帳，每個人都有過去，見到佢進步好大。」提到港姐泳裝早前被批少布，他指未有因應相關言論而修改泳衣設計，至於有否因被點名批評而不快？他說：「冇所謂，我嘅高度係咁，我唔平望，唔通望天咩？一笑置之。」

另外，無綫公布節目收視，《2022香港小姐競選決賽》跨平台直播收視最高25點，約有163萬觀眾收看，是上周最高收視節目，之後緊接的《2022香港小姐美麗繼承者》最高收視則為19.9點。