私人「心理治療師」譚凱倫靠毛孩氹番破涕為笑

擁有42吋長腿的譚凱倫（Helen）曾從事寵物美容師，其貴婦犬MitMit更是她的心肝寶貝：「佢10歲大，係男仔，不過齋睇樣，好多人以為佢得歲幾。」而MitMit亦有小朋友性格，相當黐身，她冧爆謂：「我返屋企一有時間就摸佢同另外一隻貓肥豬，連男友都呷醋。」令她最窩心是MitMit識心理治療，每當她情緒崩潰時，牠會靜待她喊夠才逗她笑：「佢會叼玩具叫我玩，我唔玩，佢自己玩畀我睇，睇到我笑就知任務完成，然後行開去飲水或瞓覺。」

Helen和愛犬度過了10載寒暑，最難忘是跟牠齊飛法國及德國拍攝ViuTV寵物節目《飛不甩家毛》，她說：「出埠寓工作於娛樂，佢坐喺寵物袋同我一齊搭10幾個鐘頭機，因為呢個節目，我多咗好多唔同年齡層嘅粉絲，連佢都有粉絲。」人和狗在德國大開眼界，並獲悉當地養狗要考牌，教育狗主要負責任。

喜見流浪狗有安身之所

談及本報曾報道逾100隻流浪貓狗即將有新界恐龍坑一幅農地為安身之所，Helen表示：「梗係開心事啦，起碼啲流浪狗有瓦遮頭，有飽飯食，不過點照顧好佢哋係好大嘅議題。」