陳庭欣「心形胸」搶「峰」頭

歷屆港姐昨晚出席港姐決賽，全部盛裝上陣，包括陳法蓉、劉倩婷、王愛倫及何艷娟等，其中2010年港姐冠軍陳庭欣穿露肩低胸晚裝裙示人，露出「心形胸」，性感得來帶點高貴，她參選的一屆亦是港姐對上一次在紅館舉行的一屆，今次再踏足此地，她坦言有無限回憶：「我記得當年Catwalk舞台好長，當時我仲獲派8張飛，父母都有嚟。」說到后冠，她笑言未結婚都會拿出來戴，又說：「我住嘅屋苑之前有鄰居被爆竊，唔見咗過千萬，嗰晚返到屋企門口好多警察，好驚呀！好驚畀佢偷咗我隻雀。」她又指張名雅結婚時都有戴上港姐后冠，故將來她結婚時都應該會拿出來戴。說到多屆港姐都有前來，她坦言覺得分外有意義，被讚12年來身材保持得很好時，她說：「托賴啦！我都想問大會借番當年參選時嗰件旗袍嚟着，睇吓着唔着得落。」