娛樂

冇印象鬧過人 呂慧儀:我係聲大大!

呂慧儀惹是非,幸好有「老公」張景淳呵番。 呂慧儀惹是非,幸好有「老公」張景淳呵番。
呂慧儀惹是非,幸好有「老公」張景淳呵番。
「細龍太」陳思圻早前自爆拍攝《愛.回家之開心速遞》期間,被前輩以粗口喪鬧,嫌疑人「長腳蟹」呂慧儀昨日出席活動時自認劇中有鬧人,劇外則冇印象,她認為情緒人人有,但盡量不帶入工作之中。
無綫處境劇《愛.回家之開心速遞》一眾演員呂慧儀、蘇韻姿、林淑敏及許家傑等昨日出席宣傳活動,提到陳思圻大爆曾被《愛》劇前輩以粗口責罵,有傳此人正是呂慧儀,她聞言表示不知情:「又係我?我哋好和諧,我唔知佢講邊個,點解佢唔開名?(你有冇鬧過人?)劇中有,劇外冇呢個印象,我通常係道出事實。(有冇試過發脾氣?)每個演員都有情緒,但將情緒帶入套劇就會影響表現,所以我盡量唔會。(有冇畀人鬧過?)我係聲大大,令人哋以為我鬧人,我都冇畀人鬧過。」
撐港姐泳裝展美態
另外,呂慧儀透露會做港姐決賽的星級觀眾,問會否性感上陣?她笑說:「我怕嚇親人,而且囝囝會睇,我啲衫要經過佢同意,唔可以好性感。」對於監警會委員批評港姐泳裝少布,港姐出身的她並不認同:「點解港姐做咗咁多年,依家先咁講?泳衣環節係展示體態美,如果唔着泳裝,咁應該着咩?」蘇韻姿亦指全球選美活動都有泳裝環節。
至於林淑敏早前在《愛》劇重現電影《賭神》中「菊子」搖骰的經典一幕,被網民激讚,她自爆稍後會扮演《我和殭屍有個約會》的馬小玲,但自嘲:「我係『老小玲』。(騷長腿?)我條腿唔夠長,惟有條裙短啲,營造錯誤視覺效果。」而許家傑則想扮《六舊腹肌拯救隊》騷腹肌。
林淑敏與許家傑享受拍戲中戲,過足扮嘢癮。林淑敏與許家傑享受拍戲中戲,過足扮嘢癮。
林淑敏與許家傑享受拍戲中戲,過足扮嘢癮。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500