昔日東方《大宇宙》爆有「不治之症」吳啟明嫌棄免費餐
由陶大宇主持的《繽FUN星網》全新節目《大宇宙》，壓軸一集請來大宇的「細佬」吳啟明擔任嘉賓。他們曾在1992年神劇《大時代》飾演兄弟「丁益蟹」與「丁旺蟹」，大宇指當年原本飾演艾威的角色「光Sir」，但試造型時監製韋家輝臨時變陣，才有「丁益蟹」的出現。
他們笑言當年拍攝完全沒負擔，因為對白來來去去只有「哦」、「係咩」兩句，每日返工只是吃喝玩樂。大宇憶述當年啟明已相當嘴刁，不吃劇組的免費飯盒：「嗰時放食飯，我話我哋去攞飯，佢就叫我哋去酒樓食，仲叫咗個鱔王煲請我哋食，當年要成幾百蚊，好貴㗎！」啟明直認對食物很有要求：「如果你畀樣嘢我食，我覺得唔好食，我係會吐出嚟，要我夾硬吞咗佢，我做唔到。」
有意離港休養
早前有傳啟明有意移民，他解釋並非移民，只是想離港休養，並自爆曾有三個「不治之症」：「第一個係牙周病，因為好細個已經開始食煙飲酒，所以對啲牙肉造成好大傷害，我有嚴重牙周病，但依家已完全根治；第二個係濕疹，好多人都有，但好少人好似我咁嚴重，但依家亦都好番；第三個係我患咗好耐嘅糖尿病，醫好咗大約95%喇！」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
