泳兒騷前多阻滯 條氣唔順

憑《溝渠暢泳》首奪「五台冠軍歌」的泳兒（Vincy），將於10月2日假九展舉行《Vincy Chan Breaking Live 2022》，繼續發揮其暗黑風格力量。開騷期逼近，忙練歌、排舞的她，日前接受專訪時，透露因體力透支過度而不適，她說：「條氣唔順，唔知係咪因為轉天氣。我唔係好食得西藥，因為啲藥令我聲沙，食氣管藥又會手震，所以要用中醫調理吓。」提及3年前她在開騷前亦告抱恙，問是否壓力太大所致？Vincy謂上次同樣是10月開騷，夏秋交界，可能氣管屬「敏感底」，雖開騷一定有壓力，但未致令她生病，自問身體並非如外表般弱不禁風。