細貓晒肌睇心情

歌手「細貓」應智越與安俊豪等，昨日在將軍澳電視城錄影《勁歌金曲》，2人即將舉行個人演唱會，當中下月底在旺角麥花臣開騷的細貓表示，演出集唱跳於一身，問會否趁機騷肌，他笑說：「睇心情，我係完美主義者，心目中想操到好似張家輝、彭于晏喺《激戰》咁，依家只得佢哋兩、三成。」又透露於MIRROR演唱會慘劇後曾與他們聯絡：「初期唔敢問咁多，等佢哋消化咗都有同佢哋傾。」安俊豪笑言由18歲入行已開始籌備演唱會，故已準備了13年，身為健身教練的他預告騷肌：「唔會剝晒，都會有啲布。」